هل يصبح تامر حسني كاتبًا؟ – وثيقة
نشر الفنان المصري تامر حسني منشورًا عبر فيه عن ثقته في والدته وإحساسها وحدسها ذاكرًا بعض المواقف التي أثبتت له ذلك.
اقرأ: تامر حسني و بسمة بوسيل يجتمعان في هذا السحور الرمضانيّ! – صورة
كتب تامر هذه التدوينة: “جمعه مباركه يا اغلى الناس …النهارده بكتبلكم بوست عن الأم و نفسي من جوه قلبي تقروه من اخ لأخواته و ناتج من تجربه حقيقيه بيني و بين أمي هحاول اختصره لأن الكلام عن الام يحتاج كُتب كتير ….”
اقرأ: بسمة بوسيل لمحمد سامي ومي عمر: انتو خليتوني ارجع أفكر في حلمي تاني! – وثيقة وصورة
وتابع: “هبدأ كلامي بإن اكتر موقفين في عمري زعلت فيهم هما اللي كنت معاندها في الرأي و كل الناس كانت في كفه و هي لوحدها في كفه ،، اقسم بالله الأم بتشوف و بتحس اللي انت متعرفش تحسه”
وأكمل: “اوعى تقول انا خلاص كبرت و مش هاخد رأيها والله والله بيبقى عندك دليل و حد بيطمنك او بينبهك من مستقبل الموقف و انت مش عايز تسمع و فاكر ان هي مش مواكبه الدنيا فهيكون رأيها راجعي تفتكر ربنا هيخلق قلب ام له فترة صلاحيه يعني بيحس لفتره محدوده !!! اكيد لا مركز احساسها ممدود لآخر العمر في حاجه جواها بتقولها يا اه يا لأ. صدقوها …”
اقرأ: جورج وسوف درّب تامر حسني في النَّادي! – صورة
وسرد قائلًا: “افتكر مره زمان أمى فضلت تقولي على واحد صاحبي انه مش كويس و غدار و حقود انا فضلت اقولها حرام عليكي دا احسن واحد في صحابي و ادافع عنه باستماته لحد ما الايام دارت و فعلاً خرج منه الجرح الكبير و الحقد الكبير اللي ميطلعش من انسان بيكرهني اصلاً و عرفت ساعتها ان في ناس حوالينا لابسين قناع الحب لحد ما المصلحه هتروح و بعدين يبان وشهم الحقيقي فعلمت نفسي متعشمش اوي في الناس عشان لما يغدروا متعبش اوي و الناس الطيبين بجد اكيد هيبانوا و يبهرونا بحبهم و ثباتهم الطويل اللي مش مشروط ولا قائم على مصلحه يعني برضو مش هنظلم حد كويس بس هنلغي فكرة التسرع في العشم الزائد”
اقرأ: المستشار تركي آل الشيخ يحسم الجدل بشأن إيرادات أعمال تامر حسني! – فيديو
وواصل: “هاجي بقى لنقطه نفسيه غريبه انا كل ما تكون ايد امي على راسي والله والله والله بحس لو تعبان اني مرتاح لو مهموم اني مبسوط وكأنها بتشفط و بتسحب اي طاقه سلبيه مش كويسه و تحطلي طاقه جميله كلها خير و راحه الايام اللي غصب عني مش بعرف اشوفها فيها بكون متوتر قلقان و لما بشوفها بقول في سري انا بحمد ربنا عشان اتولدت لقيت الست دي امي”
واسترسل: “يلا نوريهم قد ايه بنحبهم و اللي مزعل اهله يروح فوراً يصالحهم يلا عندك سبب جميل اهوه جه من عند ربنا متخافش روح صالح ربنا هيكون معاك و هيخليك مجبور الخاطر صدقني …..و اكيد اتمنى لو يفضل ده شكل علاقتنا بيهم طول الحياه مش بس في عيد الام ،، كل سنه و انتي طيبه يا امي ….”
اقرأ: تامر حسني يرد لأول مرةٍ بعد خسارته مليون متابعٍ بسبب إشهاره لشركة تحت المقاطعة! – وثيقة
وختم: “كل سنه و انتي طيبه يا بسمه و كل سنه و والدتك الجميله طيبه … انا كل يوم يا بسمه بحكي لولادنا عن الاصول دي و مصورلهم كل تعبك معاهم من و انتي لسه هعدي عصبيتك عليا في الوقت ده مش مشكله حقك المهم مصورلهم مجهودك لحظه بلحظه عشان يعرفوا انتي و انا تعبنا عشانهم ازاي و لما يكبروا ان شاء الله هما يعملوا كده مع ولادهم وكمان يراعوا ربنا فينا لما احنا نكبر اوي ان شاء الله هتشوفي فيهم كل الخير عشان انتي ام جميله و مخلصه ليهم قدام ربنا .. كل سنه و كل ام في الدنيا طيبه و يلا ندعي لكل ام مش معانا ربنا يرحمها و يرفع من قدرها في الجنه”.
اقرأ: هكذا كانت ردة فعل تامر حسني مع شبيهه! -صورة
كوليس ترى أنَّ تامر يملك حسّ الكتابة فهذه الخواطر الطويلة التي يفاجئنا بها دائمًا، وفي فضاءٍ كـتطبيق (أكس) المخصّص للتدوينات القصيرة أصلًا، نجده ينشر نصوصًا تخبر عن موهبةٍ ثانية في تامر الذي يبدو مرهفًا جدًا في طريقة كتابته وإيصاله للأفكار والتحاليل النفسيّة بمهارةٍ رغم اللهجة المصرية في الكتابة.
فهل يصبح تامر كاتبًا؟
مقطع من تدوينة تامر
