تامر حسني يرد لأول مرةٍ بعد خسارته مليون متابعٍ بسبب إشهاره لشركة تحت المقاطعة! – وثيقة
نشر الفنان المصري تامر حسني ردا مطولًا حول اتهامه بالترويج الإعلاني لإحدى الشركات المصنفة تحت المقاطعة، من قبل الشارع المصري.
كتب تامر: “مساء الخير عليكم .. بقالي يومين بتابع اللي بيحصل و احتراماً للجميع .. انا بوضح حاجه بخصوص إعلان شيبسي الاخير”
وتابع: اولاً .. انا على قوة الشركه من سنتين قبل اي احداث و ده مش اول اعلان ده ثالث اعلان في عقدي ، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله”
وأضاف: “ثانياً .. انا مضيت على عقد مكتوب فيه ان شيبسي شركه مصريه و لها سجل تجاري ضريبي مصري منفصل و البند قدامكم اهوه لصدق كلامي”
وأكمل: “ثالثاً .. و الاهم لاي حد بيشكك في انتمائي للقضيه الفلسطينيه هقوله انا من ٢٠ سنه و انا في ضهر القضيه و مش كلام و اغاني بس لاااااا …. انا روحت بنفسي معبر رفح اثناء الضرب لمساندة اهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً …!!”
وأردف: “اخيراً …. انا لما قررت اكون الوجه الاعلاني لشيبسى من سنتين لانه منتج مصري كل المصريين بيحبوه و البطاطس من الفلاحه المصريه و بيتباع في مصر بس و اتربينا عليه و الاهم ان الشخص البسيط يقدر يشتريه في ظل ظروفنا الاقتصاديه و اظن ده واضح في الاعلان ..”
وختم: “ده كان شعوري الشخصي اتجاه الحمله وانا بمضيها من سنتين عشان كده كان واجب عليا التوضيح للجميع و للّي مش واصلاله الصوره بكل احترام .. و شكراً لكل اللي ردوا عني و هما مغمضين حقيقي انتوا نعمه كبيره من ربنا الف شكر و رمضان كريم على الجميع”
وأرفق تامر بندًا من وثيقة العقد الذي يثبتُ أن الشركة التي يتعامل معها هي مصرية الأصل.
بندٌ من وثيقة العقد التي نشرها تامر
