منصّة كوليس منصة إخبارية فنية إجتماعية عربية مستقلة
نشر عدد من نجوم لبنان رسائل خاصة أعربوا فيها عن حزنهم الشديد، في الذكرى الرابعة لانفجار بيروت أو ما سمّي بانفجار المرفأ، الّذي تسبّب في دمار رهيبٍ وأودى بحياة شهداء لبنانيين وغير لبنانيين، ولا يزال فاعله مجهولاً.
كتب الفنان راغب علامة: ” آب كان يوماً حزيناً على شعبنا وعلى الإنسانية، رائحة الإجرام دخلت كل مكان في بيروتنا وبيوتنا وشوارعنا”
وتابع: “اللهم نطلب منك الإنتقام من اعداء لبنان الذين افتعلوا هذه الجريمة التي أدمت القلوب وقتلت الأبرياء وهجرت الشباب وسرقت الأمن والأمل.”
وختم: “سيبقى لبنان جميلاً رغم أنف الأعداء وسيأتي يوم على المجرم وسيدفع ثمن جريمته عاجلاً ام آجلا ًبإذن الله”.
أما الممثلة اللبنانية ورد الخال فقد كتبت: “نصفي مدينة… ورحل معها نصف عمري وشغفي ومرحي وايماني وحبي ولطفي”.
بدورها قالت الفنانة كارول سماحة: “في جروح ما بتصغر مع الوقت، وكل يوم بتكبَر أكتر…
بيروت ما رح ننسى”.
أما ماغي بوغصن فقد نشرت رسالةً مؤثرةً: “نحنا كلنا تعبانين.. عايشين بخوف وضياع أكيد.. بس عاملين حالنا مناح والحياة مكمّلة حتى نقدر فعلاً نكمّل.. كرمالنا وكرمال ولادنا وعائلاتنا..
ولأن الحياة بدا تكمّل.”
وتابعت: “بهالفترة ما النا إلا الصبر.. والصلاة كتير بإنّه الوضع يتغيّر للأحسن. لأن منستاهل.
شعب جبار صمد كتير. رح يصمد بعد ورح تمرق ع خير بإذن الله. أكيدة إنه رح تمرق ع خير”.
نانسي عجرم كتبت على منصة X:
“كم إم اليوم عم تبكي عالسكت؟ كم عايلة تغيّرت حياتن للأبد؟ كم ولد تيتّم وصار وحيد؟ وكم جريح بعدو يمكن لهلق عم يعاني؟ كرمالن كلّن وكرمال الضحايا الأبريا اللي راحوا ب#٤_آب ما رح ننسى. العدالة لضحايا #انفجار_مرفأ_بيروت.”
أما إليسا: “وعد انو ما راح يمرق نهار وما نحكي فيه عن ٤ آب وعن يللي صار بأهلنا ومدينتنا. ما راح ننسى وما راح نسامح. الوجع كبير بس حبّنا لهالبلد بيبقى أكبر من كل شي. الله يحميك يا لبنان”.
كوليس تترحم على الشهداء الأبرار في هذه الذكرى.
