كارول سماحة: ليس وقت المخاطرة بأسماء ورؤساء لا نعرف من أين أتوا!

بعدما شاركت في الانتخابات المصرية مؤخرًا، أعربت النجمة اللبنانية كارول سماحة المتحصلة على الجنسية المصرية عن تأسفها لعدم امتلاك لبنان بعض الممارسات السياسية للمواطن في ظل الظروف الحالية وعدم قدرته على تحقيق إرادته بعد، قائلةً:
“كتير مخوفني وضع لبنان، إنو كتير ما عم نوصل لنتيجة نتفق عليها، لنقدر ننتخب رئيس، يعني هيدا الفراغ اللي عم نعيشو عم يترجم سلبيًّا إذا بدك ع الوضع الاقتصادي بلبنان، اللي مش ناقصو بقا هيدا الشي”.
وتابعت:
“كنت سعيدة بمصر، كانت شوي غريبة المشاركة يعني أنا كمواطنة لبنانية أوّلًا، بس كمان ما بقدر ما قول إنو عيلتي بمصر، حسيت إنو من واجبي قدّم هيدا الشي، كمواطنة عايشة بمصر”.
وأكملت:
“بعتقد إنو كل المنطقة عايشة بكف عفريت و ما لازم ولا شعب عربي يستهتر بانتخاباتو وينتبه لمين بصوّت ويراجع ضميرو لأنو هلق مش وقت المخاطرة برؤساء وأسماء ما منعرف كيف ومين وين جايي”
وختمت:
“مشان هيك كنت مصرة على انتخاباتي بمصر كنوع من التشجيع، لأن كان في كتير مصريين مش بينزلو ينتخبو وكان الإقبال ع الاقتراع حلو جدا”.